အမေ

ဟိုး....အနက်ရှိုင်းဆုံးရင်ထဲမှာ
ဘုရားသ္ခင်ရဲ့ နူးညံ့တဲ့နှလုံးသား....
အစဉ်ထာဝရ...တိတ်ဆိတ်စွာ
ကိန်းအောင်းနေတဲ့အမေ။

အိုမင်း ပေမယ့်လည်း
အေးမြနေဆဲ အမေ့ရဲ့အပြုံး...
ဇယာရိပ်တွေနဲ့ ရီဝေနေပေမယ့်
သားသမီးကိုကြည့်တဲ့
အကြည့်တွေမှာတော့
အေးမြတဲ့မေတ္တာတွေ အချစ်တွေနဲ့
တောက်ပနေတဲ့ အမေ့ရဲ့မျက်လုံး။

သားသမီးတွေဆိုးသမျှကို
ရင်နဲ့ရင်းပြီး ခွင့်လွှတ်နိုင်တဲ့
နက်ရှိုင်းတဲ့မေတ္တာနဲ့
အဖြူစင်ဆုံးနှလုံးသားပိုင်ရှင်အမေ။

အမေ့ရဲ့မေတ္တာတစ်ခုထဲကပါ
ကျွန်တော်တို့ရဲ့ မျက်ရည်တွေကို
နားလည်ခဲ့တာ..
အားငယ်စိတ်တွေကို နှစ်သိမ့်စေတာ
ကြောက်စိတ်တွေကိုငြိမ်းအေးစေတာ..ပြီးတော့
ကျွန်တော်တို့ရဲ့ အိမ်မက်တွေကို..
ရအောင် အကောင်အထည်ဖော်ပေးတတ်တာ။

အမေပေးတဲ့သားအပေါ်ယုံကြည်မှုက
သားရဲ့ဘဝလမ်းကြောင်းကို
ကိုယ်တိုင်ရှာဖွေစေတယ်..
ကိုယ့်ကိုယ်ကို အားကိုးအောင်
လှုံ့ဆော်ပေးတယ်အမေ...

အမေ့ရဲ့နှလုံး အမေ့ရဲ့ဂရုဏာ
အမေ့ရဲ့အကြင်နာ အမေ့ရဲ့အားအင်
အမေ့ရဲ့နွေးထွေးတဲ့အပြုံး
အမေ့ရဲ့တည်ငြိမ် မှု...
အာလုံးဟာ ဘုရားသ္ခင်ဖန်ဆင်းပေးတဲ့
သားအတွက် လက်ဆောင်ပါ..
အမေ့ကိုရတာကျွန်တော်ကံကောင်းတာပါအမေ....
အစဉ်မပြတ် ရှိခိုးဦးညွှတ်လျှက်ပါ.......

˜º̶̶ƷʌuτuмиƸ̶º˜˜