ဆောင်းခိုငှက်ကလေးအတွက် Autumnရဲ.တမ်းချင်း

  

တိတ်ဆိတ်နေတဲ့ငါ့ရဲ့ရာသီ

ဆောင်းဦးတစ်မနက်မှာပေါ့...

မင်းငါ့ဆီကိုရောက်လာခဲ့တယ်...

မဖိတ်ခေါ်ခဲ့ပါဘူးငှက်ကလေးရယ်..

မင်းခွင့်မတောင်းပဲငါ့ရင်ခွင်ကို

အမှတ်တမဲ့ရောက်လာခဲ့တာပါ...

မောပန်းနွမ်းနယ်နေတဲ့မင်းကို

ငါထွေးပွေ့ထားခဲ့မိတယ်....

အေးမြမှုတွေပေးခဲ့တယ်လေ...

ဒီလိုနဲ့ကောင်မလေးရေ.....

မင်းရဲ့လွပ်လပ်ပွင့်လင်းပြီး..

ဖြူစင်တဲ့နှလုံးသားလေးကိုငါ...
ရူးသွပ်စွာ စွဲလမ်းသွားခဲ့တယ်...

 

ငါနဲ့ရှိနေတဲ့အချိန်တွေမှာ

မင်းပျော်နေခဲ့တယ်လို့ထင်မှတ်မှားခဲ့တယ်...

တစ်ကယ်တော့....မင်းရဲ့မောပန်းနေတဲ့..
နှလုံးသားကိုဖြေသိမ့်ဘို့....
ငါ့ရင်ခွင်မှာခဏနားခဲ့တာကိုး

အချိန်တန်ခရီးဆက်ထွက်ဘို့
မင်းကိုခေါ်တော့ ..မင်းငါ့ကို
လက်ပြနှုတ်ဆက်ခဲ့တယ်နော်..

ငါနဲ့လိုက်မလာခဲ့ဘူး....
မင်းအတွက် အေးမြတဲ့
ဆောင်းကိုစောင့်နေတာပါတဲ့ ...

 ငါ့ရင်ခွင်မှာခနနားပြီတော့လေ...

ရက်စက်လိုက်တာဟာ.... 

ခုတော့ငါဟာငါ့ရဲ့သဘာဝအတိုင်း
အထီးကျန်လျှက်ပါပဲ....

ဒါပေမယ့်ငါ့နှလုံးသားကတော့

မနေ့ကမင်းနဲ့အတူတူရှိနေခဲ့တဲ့

ငါ့ဘဝလေးကိုတွေးပြီး....
ကြည်နူးမိနေတုန်းပါ....

တကယ်တော့

 ဆောင်းခိုငှက်ကလေးရေ 

မင်းအတွက်တော့  Autumn  ဆိုတာ
အဖြည့်ခံတစ်ခုပါ....

ငါကျေနပ်ပါတယ်....

ငါ့ဘဝမှာ...တစ်ကြိမ်တစ်ခါ ...

ကြည်နူးခွင့်ရခဲ့လို့လေ...

                                                  ˜º̶̶ƷʌuτuмиƸ̶º˜˜